Սրբուհի Ագնէսի տօնը Վատիկանի մէջ։

(Ռատիօ Վատիկան) Շաբաթ, 21 յունուարին, Լատին Եկեղեցին կը նշէ Սրբուհի Ագնէսի տօնը։ Այս տօնին առթիւ,  աւանդութեան համաձայն, Ֆրանչիսկոս Սրբազան  Քահանայապետը կ՛օրհնէ իրեն ներկայացուած 2 նորածին գառնուկներ, որոնց բուրդով ապա կը հիւսուի ''Պալիումը'' կամ ''Եմիփորոնը'', զոր ապա կը յանձնուի նորանշանակ Արքեպիսկոպոսներուն։

Վերոնշեալ արարողութիւնը նախատեսուած է 21 յունուարի առաւօտեան 11,30-ին, առաքելական պալատի Ուրպանոս Ը  քահանայապետի մատրան մէջ։

''Պալիումը'' կամ ''Եմիփորոնը'' լայն ուսանոց-ուրար է, զոր Հայրապետը կը կրէ շուրջառին վրայէն, զայն փաթթելով մարմնին շուրջ եւ ուսէ ուս։ 

Եմիփորոնը կը խորհրդանշէ եպիսկոպոսին կամ կաթողիկոսին ամբողջական նուիրումը, անոր ամբողջապէս խաչուած ըլլալը` իր հինգ զգայարանքներով, մեղքերու և աշխարհիկ ցանկութիւններու համար մեռնիլը և միայն Քրիստոսի խաչը իր անձին մէջ կրելը:

Պալիումը կազմուած է սպիտակ բուրդէ կառուած­ երկար եւ բարակ կտաւէ մը, որուն վրայ կը զետեղուած են մետաքսէ սեւ դերձանով կառուած  թիւով վեց խաչեր։ Պալիումներու օրհնութիւնը կը կատարուի ամէն տարի 29 յունիսին, Սուրբ Պետրոս եւ Սուրբ Պօղոս առաքելապետերու տօնին օրը։