Komisioni bilateral Seli e Shenjtë - Izrael: takim pozitiv në Jerusalem

Komisioni Bilateral Permanent i Punës ndër ndërmjet Selisë së Shenjtë dhe Shtetit të Izraelit, më datën 18 janar, mbajti sesionin plenar në Jerusalem, për vazhdimin e negociatave mbi bazën e Artikullit 10 paragrafit 2 të Marrëveshjes Themelore ““Fundamental Agreement”) të vitit 1993 ndërmjet Selisë së Shenjtë dhe Shtetit të Izraelit, lidhur me çështjet e pronësisë, ato ekonomike e fiskale të Kishës katolike në përgjithësi dhe komuniteteve të veçanta e institucionet katolike në Izrael.

Takimi – njofton një komunikatë e përbashkët – u kryesua nga Tzachi Hanegbi, ministër i Bashkëpunimit Rajonal i Shtetit të Izraelit, e nga imzot Antoine Camilleri, zëvendës-sekretar i Vatikanit për Marrëdhëniet me Shtetet. Mbledhja plenare shqyrtoi hapat përpara që ka bërë Komisioni i punës në fushën e negociatave sipas Artikullit 10 paragrafit 2  të Marrëveshjes dhe bisedimet janë zhvilluan në një atmosferë pozitive me reflektime konstruktive. Plenarja njeh e vlerëson, më tutje, punën e bërë nga Ministria e Drejtësisë për sa i përket aplikimit të Marrëveshjes Bilaterale të vitit 1997 mbi Personalitetin Juridik. Palët kanë ra dakord për hapat e ardhshëm, në kuadrin e plenares së ardhshme që është parashikuar të mbahet në muaj mars 2017 në Qytetin e Vatikanit.

Pas mbledhjes Komisioni Bilateral i Punës, Selia e Shenjtë dhe Shteti i Izraelit, ka mbajtur një sesion të përbashkët konsultimesh bilaterale pranë Ministrisë së Jashtme. Delegacionet kanë diskutuar për lëndë me interes të përbashkët dhe kanë eksploruar mundësi të reja bashkëpunimi.