Իրաքի արտաքին գործոց նախարար Իպրահիմ Ժաաֆարի «ՌԻԱ Նովոսթի» լրատու գործակալութեան
հետ հարցազրոյցի մը ընթացքին յայտնած է, որ իրաքեան բանակի ստորաբաժանումները ՏԱՀԵՇ-էն
ազատագրած են Մուսուլի մեծ մասը:
Ըստ Ժաաֆարիի, ահաբեկիչներէն ազատագրուած են նաեւ Նինուէ նահանգին մէջ գտնուող քաղաքին
մօտակայ տարածքները:
«Ասիկա 56 շրջաններէն 40-ն է: Պիտի սկսի մնացեալ 16 շրջաններու ազատագրման գործողութիւնը»,
աւելցուցած է ան:
Մուսուլի ազատագրման արշաւը սկսաւ 17 հոկտեմբեր 2016-ին: Իրաքեան բանակին կ՛օգնեն ամերիկեան
գլխաւորութեամբ Միջազգային դաշինքի պատերազմական օդանաւերը:
All the contents on this site are copyrighted ©. |