Ֆրանչիսկոս Պապի 16 դեկտեմբերի գործունէութիւնը

(Ռատիօ Վատիկան) Ուրբաթ, 16 դեկտեմբեր 2016-ին, առաւօտեան ժամը 9,00ին, Վատիկանի Առաքելական պալատի Ռետեմթորիս Մաթեր մատրան մէջ, Ֆրանչիսկոս Սրբազան Քահանայապետ մասնակցեցաւ, Քահանայապետական տան քարոզիչ Հայր Ռանիերօ Քանթալմեսայի,  սուրբ Ծննդեան՝  Յիսնակաց շրջանին առթիւ կատարած խորհրդածութեան, որուն նիւթը հանդիսացաւ ''Սուրբ Հոգիին զգաստ արբեցումը''։

Սուրբ ծննդեան մտածականի աւարտին ժամը 9,45-ին, Սրբազան Հօր 15 դեկտեմբերի գործունէութիւնը սկիզբ առաւ  Ժողովուրդներու աւետարանացման խորհուրդի կառավարիչ Կարդինալ Ֆերնանտօ Ֆիլոնիին հետ հանդիպումով,  ապա՝  Սրբազան Հայրը ընդունեց Քոլոմպիայի հանրապետութեան նախագահ` Տիար Մանուէլ Սանթոս ու անոր ընկերացող շքախումբը, որմէ ետք ժամը 11,15-ին, ընդունեց Հաւատոյ վարդապետութեան ժողովի կառավարիչ Կարդինալ Լուտվիկ Մուլլերը հուսկ՝ մանուկներու պաշտպանութեան Քահանայապետական յանձնախումբի անդամ Հայր Հանս Զոլլները, որուն կ՛ընկերանար Հայր Ֆետերիքօ Լոպմարտին։

Յայտնենք, թէ Քոլոմպիայի նախագահը հանդիպում ունեցաւ նաեւ Կարդինալ Փարոլինին հետ , մինչ՝ Ֆրանչիսկոս Սրբազան Քահանայապետը առաձնական հանդիպում ունեցաւ նաեւ Քոլոմպիայի երբեմնի՝ նախագահ Տիար Սանթոս Քալտերոնի ու անոր ընկերացող ծերակուտական Ոճրիպէ Վելեսի հետ։