Святы Айцец прызначыў прадэкана Рымскай Роты

Папа прызначыў 64-гадовага кс. Марыса Манье прадэканам Трыбуналу Рымскай Роты. Французскі святар належыць да дыцэзіі Ле-Пюі-ан-Веле і працуе ў ватыканскай судовай дыкастэрыі з 1995 г. Ён уваходзіць у склад спецыяльнай камісіі па вывучэнні рэформы кананічнага сужэнскага працэсу.

Трыбунал Рымскай Роты з’яўляецца адной з найстарэйшых структур Рымскай курыі. Ён вырашае справы, адведзеныя толькі для Апостальскай Сталіцы, у першую чаргу, апеляцыі на рашэнні касцёльных судоў ніжэйшай інстанцыі. Як правіла, гаворка ідзе аб прыняцці рашэнняў, якія тычацца сапраўднасці або несапраўднасці сакрамэнту сужэнства.