(Ռատիօ Վատիկան) Կիրակի` 4 դեկտեմբերին Իտալիոյ մէջ տեղի
ունեցաւ սահմանադրական փոփոխութիւններու հայող հանրաքուէ, որուն նպատակն էր խորհրդարանի
բարեփոխումը թէեւ շատ մը կուսակցութիւններ այս առիթը օգտագործեցին իրենց դժգոհութիւնը
արտայայտելու համար:
Առաջարկուած բարեփոխումներու շարքին էր Ծերակոյտի իշխանութեան նուազեցումը: Խորհրդարանի
վերին պալատի աթոռներու թիւը 315-էն նուազեցնել 100-ի: Ըստ վարչապետին, այդ բարեփոխումները
պիտի արագացնէին 1948-էն ի վեր 60 կառավարութիւններ ունեցած Իտալիոյ մէջ օրէնսդրութեան
բարդ հոլովոյթը:
Հանրաքուէի վերջնական արդիւնքը յայտարարուեցաւ կիրակի ուշ երեկոյեան` Ոչ-ը 59,11 առ հարիւրով
արձանագրեց յաղթանակ մինչ Այո-ի համակիրները ունեցան 40,89 առ հարիւր։ Ի տես արդիւնքին
վարչապետ Մաթթէօ Ռենցի իր հրաժարականը ներկայացուց եւ այսօր կը տեսակցի Իտալիոյ հանրապետութեան
նախագահին հետ ։
All the contents on this site are copyrighted ©. |