«Կը յուսանք Սուրիոյ մէջ ահաբեկչութեան դէմ պայքարին մէջ գործակցիլ Ուաշինկթընի հետ»
Ռուսիոյ նախագահ Վլատիմիր Փութին յոյս յայտնեց, որ Սուրիոյ մէջ ահաբեկչութեան դէմ պայքարին մէջ գործակցութիւն հաստատուի Ուաշինկթընի հետ:
Փութին երէկ Տումայի առջեւ արտասանած իր խօսքին մէջ յայտնեց, որ ռուս զինուորները ներկայիս ջանք կը թափեն այդ նպատակը իրագործելու:
Անդրադառնալով սեպտեմբեր 2015-ին Սուրիոյ մէջ Ռուսիոյ սկսած զինուորական գործողութեան` Փութին ըսաւ, որ ռուսական բանակն ու ծովուժը «յստակօրէն փաստեցին ազգային սահմաններէն հեռու ազդու կերպով գործելու իրենց կարողութիւնը»:
Ան ընդգծեց, որ Ռուսիան պիտի շարունակէ ահաբեկչութեան դէմ պայքարը նաեւ իր սահմաններուն մէջ:
| All the contents on this site are copyrighted ©. |