Մահացած է Ֆիտել Քասթրոն

(Ռատիօ Վատիկան) Մահացած է Քուպայի հանրապետութեան նախկին նախագահ , Քուպայի յեղափոխութեան առաջնորդ ՝Ֆիտել Քասթրօն։  Այս մասին յայտնած է Քուպայի ազգային հեռատեսիլը։ Ան 90 տարեկան էր եւ  եղած է հիմնադիրը՝ Քուպայի հանրապետութեան։ Ֆիտել Քասթրօն իր կեանքին ընթացքին հանդիպում ունեցած է երեք քահանայապետերու հետ, վերջինը, Ֆրանչիսկոս Սրբազան Քահանայապետին հետ, Հաւանայի իր բնակարանին մէջ ՝ 20 սեպտեմբեր 2015-ին, Ֆրանչիսկոս Պապի Քուպա կատարած այցելութեան ընթացքին ։