՝՝Խօսէ Մարիօ Պերկոլիօ,Ֆրանչիսկոս Պապ,իմ խօսքս քու աչքերուդ մէջ է՝՝գիրքի ներկայացում

(Ռատիօ Վատիկան) Հինգշաբթի, 10 նոյեմբերին, Հռոմի Յիսուսեան միաբանութեան մայրավանքին դահլիճին  մէջ տեղի ունեցաւ  ՝՝Խորխէ Մարիք Պերկոլիօ. Ֆրանչիսկոս Պապ, իմ խօսքս քու աչքերուդ մէջ է  ՝՝ խորագիրով գիրքին ներկայացումը,  որ կը բովանդակէ Ֆրանչիսկոս Սրբազան Քահանայապետին 1999-2013 տարիներուն արտասանած ճառերն ու քարոզները, երբ ան կը ծառայէր որպէս Պուենոս Այրեսի թեմի Արքեպիսկոպոս։ Գիրքին մէջ ամփոփուած է նաեւ Նորին Սրբութեան անտիպ զրոյցը Չիվիլթա Քաթթոլիկա պարբերաթերթի տնօրէն՝ հայր Անթոնիօ Սփատարոյի հետ որ է նաեւ գիրքին հեղինակը։

Գիրքի ներկայացումին ելոյթ ունեցան Վատիկանի Պետական քարտուղար՝ կարդինալ Փիեթռօ Փարոլին, Չիքակօ թեմին արքեպիսկոպոս՝ գերապայծառ Պլազէ Ժոզէֆ Քուփիչ, Յիսուսեան միաբանութեան ընդհանուր մեծաւոր՝ հայր Արթուրօ Սոզա,  եւ Չիվիլթա Քաթոլլիքա պարբերաթերթի տնօրէն՝  հայր Անթոնիօ Սփատարօ Ներկայացումը  վարեց Ռացինկեր Հիմնարկի նախագահ Հայր Ֆետերիքօ։