«Վրաստանի Կարիտասը» իրականացնում է «Ոգեշնչում և ամրապնդում՝ Վրաստանի Կաթողիկէ համայնքների ծխական հասարակական խորհուրդներում» նախագիծը՝ Վրաստանի ութ կաթողիկէ (երեք հայկական, երեք լատին և երկու ասորա- քաղդէական ծէսի) համայնքներում։ Ծրագրի նպատակն է Վրաստանի ութ կաթողիկէ համայնքներում սոցիալական պայմանների բարելաւումը` խթանելով կաթողիկէ սոցիալական վարդապետութեան ուսուցումը ծխական համայնքներում և վարքագծի փոփոխութիւն:
Այսպիսի նախաձեռնութիւնները հիմք են ստեղծում, որ զարգանայ քրիստոնէական կամաւորութիւնը համայնքներում, ինչի շնորհիւ կամաւորները կհամախմբուեն, կինքնահաստատուեն և ձեռք կբերեն համայնքային զարգացմանը նպաստելու կարողութիւններ:
Նախագծի տեւողութիւնն 24 ամիս է, ֆինանսաւորում է ԱՄՆ-ի բարեգործական CRS հիմնադրամը։
Այս ութ ամսուայ ընթացքում արդեն անցկացուել է երկու ընդհանուր հանդիպում-պատրաստութիւն, որոնց ակտիւ մասնակցել են բոլոր համայնքները: Առաջին հանդիպումն անցկացուել է «Ի՞նչ է Քրիստոնէական սոցիալական վարդապետութիւնը»-ը խորագրով, իսկ երկրորդը՝ «Ինչ է կամաւորութիւնը»:
Դասընթացները հայ կաթողիկէ համայնքներում վարում են նաև Վրաստանում ծառայող հայ կաթողիկէ հոգևորականները:
Քաղուած http://armenianchurchco.com կայքէն
Տեղեկութիւնները տրամադրեց Վրաստանի Կարիտասի «Սոցիալական ծառայութիւն» ծրագրի համակարգող Ալեքսանդր Բադոյանը
Պատրաստեց՝ Աննման Մինասյանը
All the contents on this site are copyrighted ©. |