Թրամփ յաղթեց Միացեալ Նահանգներու ընտրութիւններուն:
Հանրապետական կուսակցութենէն Միացեալ Նահանգներու նախագահի պաշտօնի թեկնածու Տանըլտ Թրամփ յաղթեց Փենսիլվանիոյ նահանգի ընտրութիւններու` ստանալով եւս 20 քուէատուներու ձայներ: Այդ մասին, կը տեղեկացնԷ Associated Press գործակալութիւնը:
Թէեւ շարք մը լրատուամիջոցներու հաշուարկներուն համաձայն` Թրամփ ապահոված է 270 ձայն, որոնք անհրաժեշտ են նախագահական ընտրութիւններուն յաղթելու համար, այդուհանդերձ, պաշտօնական տուեալներով ան հաւաքած է դեռ 266 ձայն:
Real Clear Politics-ի համացանցային հետազօտական կեդրոնի գնահատմամբ` Փենսիլվանիոյ մէջ յաղթելէ ետք Թրամփ 277 ձայն ունի Քուէատուներու տախտակին վրայ, կը հաղորդէ «Թասս» լրատուական գործակալութիւնը:
| All the contents on this site are copyrighted ©. |