Հայր Խօսէ Անթոն ու իր երեք կրօնաւոր ընկերները երանելիներուն շարքին արժանացան ։

(Ռատիօ Վատիկան) Շաբաթ, 29 հոկտեմբերին, Սպանիոյ մայրաքաղաք Մատրիտի մէջ, սուրբերու դատի ժողովի կառավարիչ՝ կարդինալ Անճելօ Ամաթօ, հանդիսաւոր Սուրբ Պատարգաի արարողութեամբ  երանելի հռչակեց Սպանիոյ մէջ քաղաքացիական պատերազմի ընթացքին ատելութեամբ սպաննուած Պենետիկտեան Միաբանութեան չորս կրօնաւորներ։

Հայր  Անթոն Խօսէ Կոմեզ (1891-1936), Հայր Անթոլին Փապլոս Վիլլանովա (1871-1936), Հայր Ռաֆայէլ Մարիանօ Ալքոնչեր Մարթինեզ (1889-1936) Լուիս Վիտաուրազակա Կոնզալես (1901-1936)։

Հայր Անթոն Կոմեզ, փոքրիկ հասակին մտած է Սան Տոմինկօ Տէ Սիլոս վանք։­   31 օգոստոս  1902-ին ձեռնադրուած է քահանայ։  1919-ին առաքելութեամբ կը մեկնի Սպանիա, ուր 1936-ի քաղաքացիական պատերազմի ընթացքին կղերին պատկանելիութեան համար ընդդիմադիրներու կողմէ  մահուան կը դատապարտուի՝ 25 սեպտեմբեր 1936-ին ։  

Հայր Անթոլին Փապլոս Վիլլանուեվա ծնած է 2 սեպտեմբեր 1871-ին, կրօնաւորական ուխտերը կատարած է 11 սեպտեմբեր 1890-ին ապա քահանայ ձեռնադրուած է 19 սեպտեմբեր 1896-ին։ Ինչպէս այլ կրօնաւորներու ճակատագիրին, հայր Անթոլին եւս Սպանիոյ քաղաքացիական պատերազմի ընթացքին  ատելութեամբ կը սպաննուի 19 նոյեմբեր 1936-ին ։

Հայր Խուան Ռաֆայէլ Մարիանօ Ալքոչեր Մարթինեց ծնած է Մատրիտի մէջ՝ 28 հոկտեմբեր 1889-ի։ 20 տարեկանին մտած է Սիլոսի վանք։ Քահանայ ձեռնադրուած է 25 օգոստոս 1918-ին։ Ուսանած է իմաստասիրութիւն եւ ճանչցուած է որպէս հռետոր ։ 1936-ին՝ Հայր Խուսան սպաննուած է սպանիոյ քաղաքացիական պատերազմի ընթացքին։

Հայր Լուիս Վիտաուրրազակա Կոնզալես ծնած է 13 սեպտեմբեր 1901-ին։ 12 տարեկանին մտած է Սիլոսի վանք, 19 դեկտեմբեր 1925-ին  ձեռնադրուած է քահանայ։ 1928-ին առաքուած է Մատրիտ։  Սպանիոյ քաղաքացիական պատերազմի սկիզբը անարդարութեամբ ենթարկուած է բանտարկութեան, ապա 31 դեկտեմբեր 1936 գնդակահարուած է։   

Վատիկանի Ռատիոկայանի հետ ունեցած զրոյցի ընթացքի , սուրբերու դատի ժողովի կառավարիչ կարդինալ Անճելօ Ամաթոն խօսելով նոր չորս երանելիներու մասին,  յայտնեց թէ  Պենետիկտեան չորս կղերականները ատելութեամբ սպաննուած են Սպանիոյ մէջ քաղաքացիական  պատերազմի ժամանակ։ Անոնք քաջ տեղեակ եւ գիտակից  էին իրենց միաբանութեան կանոնագիրքին, որուն մէջ գրառուած է  համբերութեամբ հանդուրժել ստացուած անարդարութիւնը։ Երբեք չի անիծել,  ընդհակառակը օրհնել մեզ անիծողները։