Հայաստանին նուիրուած լուսանկարներու ցուցահանդէս Իտալիոյ մԷջ:
Հոկտեմբեր 26-ին Միլանի նահանգի Գոլոնօ Մոնչեզէ քաղաքի քաղաքապետարանի դահլիճին մէջ բացուեցաւ Հայաստանին նուիրուած լուսանկարներու ցուցահանդէս: Ցուցահանդէսը, որ նախաձեռնած են Իտալիոյ Հայոց միութիւնը եւ Գոլոնօ Մոնչեզէի քաղաքապետարանը, պիտի տեւէ մէկ շաբաթ:
Ինչպէս «Հայերն այսօր»-ին կը յայտնեն Իտալահայոց միութենէն` բացման ներկայ էին քաղաքապետ Անճելօ Ռօսսին, քաղաքապետի մշակութային գծով օգնական Տանիա Փերեկոն, ցուցահանդէսի նախագծման պատասխանատու Տոնաթօ Քարիսսիմոն, քաղաքի դպրոցներու պատասխանատուներ եւ Իտալակական պարտիզանական շարժման ղեկավարներ, որոնք սերտ կապեր ունեցած են հայերու, յատկապէս` Երկրորդ համաշխարհային պատերազմի օրերուն խորհրդային բանակին մէջ ծառայող հայ զինուորներուն հետ:
| All the contents on this site are copyrighted ©. |