Ֆրանչիսկոս Պապ ընդունած Է Վենեզուելլայի հանրապետութեան նախագահը։
(Ռատիօ Վատիկան) Սուրբ Աթոռի մամլոյ գրասնեակը, 24 հոկտեմբերի
երեկոյեան, հրապարակեց հաղորդագրութիւն մը,որուն մէջ տեղեկացուց,թէ երկուշաբթի երեկոյեան,
Ֆրանչիսկոս Սրբազան Քահանայապետը ընդունած է եւ առանձնական հանդիպում ունեցած է Վենեզուելլայի
հանրապետութեան նախագահ ՏիարՄատուրօ Մորոսին հետ։
Հանդիպումին նիւթը եղած է երկրի մտահոգիչ՝ քաղաքաքան, ընկերային , տնտեսական վիճակը
,որուն հետեւանքը ծանրապէս կ՝ապրի Վենեզուելլայի համայն ժողովուրդը իր առօրեայ
կեանքին մէջ։
Հաղորդագրութեան մէջ նշուած է թէ Ֆրանչիսկոս Պապ սրտանց կը ցանկայ վենեզուելլացի ժողովուրդին
բարիքը։ Ան բաղձանք յայտնած է շարունակելու իր նպաստը բերել ի շահ երկրի պետութեան ինչպէս
նաեւ այն բոլոր ծրագիրներուն, որոնք կը նպաստեն լուծելու առկախ հարցերը եւ ստեղծել երկու
կողմերու միջեւ աւելի վսատահելի յարաբերութիւն։։
Ֆրանչիսկոս Պապ հրաւիրած է քաջութեամբ ձեռնարկել երկխօսութեան՝ անկեղծ, կառուցողական
ուղին, ամոքելու համար ժողովուրդին վիշտերը՝ առաջին կարգին դնելով աղքատները, եւ զարգացնել
ընկերային հաւասարակշիռ վերանորոգ մթնոլորտ, որ կը թոյլատրէ յոյսով նայիլ ազգին ապագային։
| All the contents on this site are copyrighted ©. |