Святы Айцец 24 кастрычніка 2016 г. сустрэўся з удзельнікамі 36-й Генеральнай кангрэгацыі Ордэна Езуітаў. Ён пачаў свой выступ, нагадаўшы словы сваіх папярэднікаў Паўла VI і Бэнэдыкта XVI, у якіх гучаў заклік “ісці разам, свабодна, паслухмяна, аб’яднаныя адно з адным у любові Хрыста, для большай хвалы Божай”.
“Касцёл мае патрэбу ў вас, разлічвае на вас”, - сказаў Францішак і нагадаў езуітам,
што іх місія ў тым, каб ісці разам з Пантыфікам на перыферыі, куды не даходзяць іншыя.
Ён адзначыў, што пакліканне езуіта – падарожнічаць па свеце і жыць у любой яго частцы,
дзе ёсць надзея на больш актыўнае служэнне Богу і дапамогу душам.
У Юбілейны Год Міласэрнасці, Францішак нагадаў членам Таварыства Езуса пра тое значэнне,
якое св. Ігнацый Лаёла – заснавальнік езуітаў – надаваў справам міласэрнасці. “Міласэрнасць
– не абстрактнае слова, а лад жыцця, які ставіць канкрэтныя жэсты перад словам”, -
падкрэсліў ён.
Святы Айцец нагадаў удзельнікам Генеральнай кангрэгацыі, што важная місія Таварыства Езуса – прыносіць суцяшэнне і радасць Божаму народу, і дапамагаць яму, каб вораг чалавечай прыроды не адняў “радасць евангелізацыі, радасць сям’і, радасць Касцёла, радасць стварэння”.
All the contents on this site are copyrighted ©. |