Ֆրանչիսկոս Պապի 14 հոկտեմբերի քարոզը ՝ բարի եւ քէշ թթխմորը
(Ռատիօ Վատիկան) Ուրբաթ, 14 հոկտեմբերին, Վատիկանի Տոմուս Սանթա Մարթայի մատրան մէջ մատուցած Սուրբ Պատարագի ընթացքին արտասանած քարոզին մէջ ֆրանչիսկոս Պապ յորդորեց, որ Տիրոջ հետեւելու համար հիմնական է չ՝ենթարկուիլ կեղծաւորութեան եւ ստախօսութեան ։
Օրուան աւետարանական ընթերցումը մեկնաբանելով՝ ուր կը խօսուի փարիսեցիներու կեղծաւորութեան մասին, Սրբազան Հայրը նկատել տուաւ, որ կայ բարի եւ քէշ թթխմոր։
Բարի թթխմորը , եթէ լաւ է միշտ կ՝աճի եւ համով հաց կը դառնայ, իսկ չար թթխմորը չ՛ աճիր։
՝՝Յիսուս զգուշացուց Փարիսեցիներու չար թթխմորէն, որ է կեղծաւորութիւնը՝՝ ըսաւ Սրբազան Հայրը յայտնելով , թէ կեղծաւորութիւն կը նկատուի երբ միայն շրթներով Յիսուսին կ՝աղաչենք սակայն՝ մեր սրտերը հեռու կը մնան Անորմէ։
Կեղծաւորութիւնը բաժանում է։ Կեղծաւոր անձը երկու երէս ունի, ան բան մը կ՝ըսէ եւ ուրիշ բան կը գործէ ։ Կեղծաւոր անձը երբեք ինքզինք չ՝ ամբաստաներ այլ միշտ ուրիշը կը դատապարտէ, ըսաւ Ֆրանչիսկոս Պապ ու հրաւիրեց խղճի քննութիւն կատարել հասկնալու համար թէ ի՞նչ տեսակ թթխմորով կ՝աճինք, եթէ քէշ է կամ բարի։
''Մենք մեզի հարց տանք, թէ ինչ հոգիով մենք կը գործենք, կը կառուցենք, կամ ինչ հոգիով ուրիշներուն կը դիմենք'' ըսաւ Ֆրանչիսկոս Պապ, ապա կարեւոր նկատեց ՝՝ միշտ ճշմարտութիւնը ըսել եւ երբեք չի խաբուիլ, օրինակ բերելով մանուկներուն անմեղութիւնը, որոնք սուտ չեն խօսիր։
''Մանուկները բարի թթխմոր ունին , որ զիրենք լաւ կ՝աճեցնէ ինչպէս երկինքին մէջ Աստուծոյ թագաւորութիւնը կ՝աճի – յարեց Սրբազան Քահանայապետը ու հայցեց որ ''Տէրը մեզի բոլորիս շնորհէ Սուրբ Հոգին, հասկնալու համար թէ ինչ տեսակ թթխմորով մենք կ՝աճինք''։
| All the contents on this site are copyrighted ©. |