«Պի.Պի.Սի.» կը հաղորդէ, որ իսրայէլեան ոստիկանութիւնը յայտնած է, թէ անցորդ մը եւ ոստիկան մը սպաննուած են, երբ պաղեստինցի զինեալ մը Երուսաղէմի մէջ իր ինքնաշարժէն կրակ բացած է: Արձանագրուած են նաեւ վեց վիրաւորներ:
Պաղեստինցի զինեալ մը կրակ բացած է փոխադրակառքերու կեդրոնի մը դէմ, ապա ինքնաշարժով հեռացած: Ան դարձեալ կանգնած է եւ կրակ բացած, երբ ոստիկանութիւնը զինք հետապնդած է: Սպաննուելէ առաջ ան յաջողած է սպաննել ոստիկանութեան մասնայատուկ ուժերու անդամ մը:
Ոստիկանութիւնը յայտնեց, որ յարձակում գործողը Արեւելեան Երուսաղէմի պաղեստինցի բնակիչներէն է:
Իսրայէլի վարչապետ Պենիամին Նեթանիահու գովեց «իսրայէլեան ոստիկանութեան շատ արագ, շատ վճռական քայլը»:
Պաղեստինեան շարժումները իրենց կարգին ողջունեցին 39-ամեայ Միսպահ Ապուսպիհի կատարած գործողութիւնը:
All the contents on this site are copyrighted ©. |