Իտալիոյ Պազիլիքաթա Մարզի զօրակցութիւնը հայոց ցեղասպանութեան զոհերուն։

27 սեպտեմբեր 2016-ին, ի շառս իտալական այլ քաղաքական կառոյցներու, Իտալիոյ Պազիլիքաթայի Մարզի տարածաշրջանային խորհուրդը միաձայնութեամբ որդեգրեց բանաձեւ մը` հայող հայ ազգի ցեղասպանութեան հարիւրամեակին, որով իր զօրակցութիւնը կը յայտնէ հայ ազգի բոլոր զաւակներուն։

Վերոնշեալ բանաձեւը ներկայացուց Պազիլիքաթայ մարզի վարչական խորհուրդի անդամ` Տիար Աուրելիօ Փաչէ, ընդառաջելով Հռոմի Հայ Համայնքի խորհուրդի խնդրանքին։

Բանաձեւին մէջ կը նշուի թէ այս պատմական իրականութիւնը ճանչցուած է միջազգային բազմաթիւ  կազմակերպութիւններու կողմէ ու թէ հարկաւոր է որ հասարակաց կարծիքը ծանօթանայ հայ ազգի պատմական այս եղելութեան որպէսզի պատմութեան սոյն ողբերգութիւնը ըլլայ ազդակ` յատկապէս նոր սերունդին համար, չկրկնելու համար նման անմարդկային ոճիրներ։

Նշենք թէ Իտալիոյ Պազիլիքաթա Մարզը կը հանդիսանայ 105-րդ իտալական քաղաքական վարչութիւնը որ ընդունած է Հայոց Ցեղասպանութիւնը։ Ընդհանուր ցանկը կարելի է գտնել  http://www.comunitaarmena.it/il-genocidio-armeno/italia-ricorda/  հասցէին վրայ

Հռոմի Հայ համայնքի խորհուրդը, ի լուր  Պազիլիքաթա Մարզի որդեգրած բանաձեւին շնորհակալական նամակ յղեց Մարզի Վարչական Խորհուրդի անդամներուն, անոնց երախտագիտութիւն յայտնելով ճշմարտութեան եւ արդարութեան կողքին իրենց այս դիրքորոշման համար։