(Ռատիօ Վատիկան) Քարականտա քաղաքին մէջ (Քազախստան), տարւոյս սեպտեմբեր 11ին տեղի կ՛ունենայ Լատիսլաօ Պուքովիրիսքիի երանացման արարողութիւնը զոր կը գլխաւորէ Սուրբերու Դատի ժողովին կառավարիչը կարդինալ Անճելօ Ամաթօ։
Պուքովիրիսքի, ծնած է 1904ին Քիեւի մէջ։ Ընտանիքը կանուխէն փոխադրուած է Լեհաստան, ուր ան ընդունած է քահանայական օծումը։ Հակառակ մեծ խոչընդոտներու իր առաքելութիւնը միշտ կատարած է անխոնջ կերպով։ Յատուկ խնամք տարած է հիւանդներուն եւ կարիքաւորներուն։ Ենթարկուած է բանտարկութեան եւ պարտադրուած հարկադիր աշխատանքի։
Նաեւ բանտարկութեան շրջանին ապրած է աշխուժ հոգեւոր կեանք մը աղօթքով եւ զոհողութիւններով, եւ շարունակած է անվախ կերպով կատարել իր հոգեւոր առաքելութիւնը, ի մխիթարութիւն բազմաթիւ հոգիներու։
1955 թուականին ընդունած է Սովետական հպատակութիւն եւ մինչեւ իր մահը, 1974 թուական, ծառայած է Քազախստանի մէջ։ Սրբակենցաղ կեանք մը ապրելէ ետք իր հոգին աւանդեց 3 դեկտեմբեր 1974-ին Քարականտայի մէջ ու անոր դամբանը շուտով դարձաւ ուխտագնացութեան վայր։
All the contents on this site are copyrighted ©. |