''Եւրոպան Տագնապի մէջ'' Կարդինալ Ռացինկեր սաներու տարեկան հաւաքը Քասթել Կանտոլֆոյի մէջ։
(Ռատիօ Վատիկան) Այս տարի եւս Քահանայապետական Քասթել Կանտոլֆօ ամարանոցը` 26 -28 օգոստոսին կը հիւրընկալէ ''Ռացինկերի Սաներ'' Պենետիկտոս ԺԶ վաստակաւոր Քահանայապետին նախկին աշակերտներու տարեկան հանդիպումը, որուն այս տարուայ նիւթն է ''Եւրոպան Տագնապի մէջ''։
Վերոնշեալ հանդիպումի ծիրէն ներս նախատեսուած է նախկին աշակերտներու մէկ պատուիրակութեան այցելութիւնը վաստակաւոր Քահանայապետին` 27 օգոստոսին։
Յայտնենք թէ Ռացինկերի սաներու տարեկան այս հանդիպումները սկիզբ առած են 1970 թուականին,
երբ Ռացինկեր քահանայապետը կը դասախօսէր Ռաթիզպոնի համալսարանին մէջ։ Ռացինկերի սաներու
հանդիպման ընթացքին ընդհանրապէս նախատեսուած են օրական մէկ նիւթի շուրջ զրոյց` ապա միասնական
աղօթք։
2005 թուականէն` Ռացինկերի Քահանայապետ ընտրուելէն ասդին` ''Ռացինկեր Սաներ'' խումբը
շարունակեց իր հանդիպումները կազմակերպել քահանայապետական ամարանոցէն ներս։
| All the contents on this site are copyrighted ©. |