Հայաստանի մէջ 96.4 հազար հոգի աշխատանք կը փնտռէ

ԵՐԵՒԱՆ, «Արմէնփրէս».– Զբաղուածութեան պետական գործակալութեան տուեալներով, 1 Յուլիս 2016ի դրութեամբ աշխատանք փնտռողներուն թիւը կը կազմէ 96.4 հազար հոգի, 63.1 հազարը՝ կիներ:

Ըստ տարիքային խումբի՝ 96.4 հազար աշխատանք փնտռողներէն 22.6 հազարը երիտասարդներ են:

Այս տուեալները լրագրողներուն փոխանցած է Հայաստանի աշխատանքի եւ ընկերային հարցերու նախարարութեան Զբաղուածութեան պետական գործակալութեան պետ Արտակ Մանգասարեան: Ըստ անոր՝ անգործներուն թիւը կը կազմէ աշխատանք փնտռողներուն 81.2 տոկոսը կամ 78.2 հազար հոգի: Կը շարունակէ բարձր մնալ անգործ կիներուն թիւը, որ կը հանդիսանայ անգործներու թիւին 68.6 տոկոսը կամ 53.7 հազար անձ: Երիտասարդներուն թիւը կը կազմէ 24.5 տոկոս (19.2 հազար անձ), հաշմանդամութիւն ունեցող գործազուրկներուն տոկոսը 3.5 է կամ 2.8 հազար հոգի։

Անոր համաձայն՝ անգործներուն թիւին մէջ առաջին անգամ աշխատանք փնտռողներու թիւը 50.5 տոկոս է, որուն մէջ երիտասարդները 39.8 տոկոս կը կազմեն:

«Գործազուրկների թուաքանակում աշխատաշուկայում անմրցունակ անձանց թուաքանակը 1 միլիոն 71.5 հազար է կամ 91.4 տոկոս: Գործազուրկների շրջանում բարձրագոյն եւ յետ-բուհա-կան կրթութիւն ունեցողների թիւը 12.4 տոկոս է, միջին մասնագիտական կրթութիւն ունեցողները 18.5 տոկոս են կազմում, նախնական մասնագիտական կրթութիւն ունեցողները 5.6 տոկոսն են, ընդհանուր միջնակարգ կրթութիւն ունեցողները՝ 54.7 տոկոս, յատուկ ընդհանուր, հիմնական ընդհանուր եւ տարրական կրթութիւն ունեցողները՝ 8.8 տոկոս», նշած է Արտակ Մանգասարեան:

Ան դիտել տուած է, որ Զբաղուածութեան պետական գործակալութեան մէջ այս տարուան առաջին կիսամեակի դրութեամբ՝ բաղդատելով նախորդ տարուան նոյն ժամանակաշրջանին հետ, 5.6 տոկոսով աւելցած է հաշուըւածներուն թիւը: «Մեզ մօտ հաշուառւում են նաեւ ծրագրերում ընդգրկուելու համար», աւելցուցած է Արտակ Մանգասարեան: