Հայր Նաամթալլա Հաշեմ ընտրուեցաւ Մարոնի միաբանութեան աբբահայր

Մարոնի միաբանութիւնը 12 օգոստոս 2016-ին, ընտրեց իր նախագահը: 320 քուէներէն 211-ը վճռեցին, որ հայր Նաամթալլա Հաշեմ Մարոնի միաբանութեան նոր աբբահայրն է:

Մարոնի միաբանութեան ընտրութիւնները, որոնք կը կատարուին վեցամեայ դրութամբ, սկսած էին անցեալ երեքշաբթի օր, Ղազիրի Մար Անթոնիոս վանքին մէջ:

Հայր Նաամթալլա Հաշեմի ընտրութեան առիթով Քասլիքի Ս. Հոգի համալսարանի եկեղեցւոյ եւ Հասպայա-Մեթնի Մար Թաքլա եկեղեցւոյ զանգերը հնչեցին: