Emisioni i 12-të i rubrikës “Nënë Tereza, Shenjtja e Mëshirës Hyjnore”, marrë nga libri “Njoha një shenjtore” i kardinalit Angelo Komastri, zgjedhur në atmosferën e përgatitjes për shenjtërimin e së Lumes, është një lutje e shkruar nga Nënë Tereza.
Titullohet “O Zot, bëmë mjet të duarve Tua ”
“O Zot,
a i do duart e mia, që ditën ta kalosh,
duke ndihmuar të varfërit, të sëmurët, nevojtarët?
Merri, o Zot, të dyja duart t’i jap!
O Zot,
a i do këmbët e mia, për të ecur gjithë ditën,
e për të takuar kë pret rrugës një mik?
Zot po t’i jap sot edhe këmbët e mia!
O Zot,
a e do zërin tim, për ta ngrysur këtë ditë,
duke folur me kë ka etje për një fjalë dashurie?
Ta jap me gjithë zemër dhe zërin, o Zot!
O Zot,
A e do zemrën time, se të duhet ty sot,
për ta dashur njeriun, vetëm pse është njeri?
Merre, pra, sot ta jap zemrën time
E tëra është jotja, o Zot!
Amen.
All the contents on this site are copyrighted ©. |