Кс. Ламбардзі – кіраўнік фонду Бэнэдыкта XVI

Кс. Фэдэрыка Ламбардзі, які завяршыў сваё служэнне на пасадзе кіраўніка Залы Друку Апостальскай Сталіцы, 1 жніўня 2016 г. быў прызначаны старшынёй адміністрацыйнай рады “Ватыканскага фонду Ёзэфа Ратцынгера – Бэнэдыкта XVI”. 

Структура была заснавана ў 2010 г. самім Бэнэдыктам XVI у адказ на пажаданні шматлікіх навукоўцаў стварыць фонд для спрыяння вывучэнню і публікацыі прац, напісаных у гады выкладчыцкай дзейнасці Ёзэфа Ратцынгера. Мэта ватыканскай установы заключаецца таксама ў пашырэнні тэалагічных ведаў, арганізацыі навуковых і культурных форумаў. Кожны год фонд уручае прэмію за дасягненні ў галіне вывучэння тэалогіі, якая носіць імя Бэнэдыкта XVI.

Кс. Ламбардзі змяніў на пасадзе кс. прэлата Джузэпэ Скоці. Аб сваім прызначэнні ён быў паінфармаваны праз афіцыйны ліст кардынала Дзяржсакратара Пьетра Параліна.