Իմ պատուելի եղբօրը՝
Արհ. Տէր Ռաֆայել արք. Մինասեանին`
Արևելեան Եւրոպայի հայ կաթողիկէների առաջնորդին
Հայաստան առաքելական ճանապարհորդութիւնից վերադառնալուց յետոյ ցանկանում եմ իմ խորին երախտագիտութիւնը յայտնել Ձեզ, քահանաներին, աշխարհական հաւատացեալներին և այն մարդկանց, ովքեր նուիրուած են Եկեղեցուն: Մեծապէս շնորհակալ եմ Ձեզ՝ բարեկամական ջերմ ընդունելութեան համար, և այն նուիրուածութեան համար, որ ունէիք Հայաստան կատարած այցելութեանս ժամանակ:
Մտքումս պահել եմ անջնջելի յիշողութիւն՝ Սուրբ Պատարագի տօնակատարութեան մասին, որը տեղի ունեցաւ Գիւմրիում, ինչպէս նաև հաճելի հանդիպումները կաթողիկէ համայնքի հետ և ես ցանկանում եմ յատուկ շնորհակալութիւն յայտնել նրանց՝ իրենց եղբայրութեան, խոնարհութեան համար, որ ինձ ցոյց տուեցին: Ինչպէս նաև արժէքաւոր այն տեղեկութիւնների համար, որ նրանք ցանկացել են, որ ես մասնակցեմ և ցուցաբերեմ մեծ օգնութիւն:
Ես հաւաստիացնում եմ Ձեզ իմ աղօթքներս, որ իմ սիրելի Հայաստանի կաթողիկէները քաջութեամբ և ուրախութեամբ շարունակեն ընթանալ Աւետարանի ուղիով՝ կառուցողական միասնութեան ոգով և բարեգործութիւն անելով բոլորին: Ի սրտէ օրհնում եմ ձեզ՝ խնդրելով ձեզանից, որ աղօթէք ինձ համար:
Վատիկան, 5 յուլիսի, 2016թ.
All the contents on this site are copyrighted ©. |