Կարդինալ Փարոլին. Թուրքիոյ կացութիւնը մտահոգիչ է ։
(Ռատիօ Վատիկան) Թուրքիոյ մէջ զինուորական յեղաշրջումէն յառաջացած խրթին կացութեան ի տես, Վատիկանի Պետական Քարտուղար՝ կարդինալ Փիեթրօ Փարոլին, հինգշաբթի, 21 յուլիսին, Վատիկանի ընկերային հաղորդամիջոցներու քահանայապետական խորհուրդի երբեմնի նախագահ` Գերապայծառ Քլաուտիօ Մարիա Չելլիի ի պատիւ կայացած հրաժեշտի արարողութեան ներկայ գտնուող լրագրողներուն հետ ունեցած զրոյցի մը ընթացքին, իր խոր մտահոգութիւնը յայտնած է ի տես թուրքիոյ մէջ տիրող անկայուն իրաիճակին եւ ընդգծած է թէ աշխարհի ներկայ տագնապներու լուծման մեկնակէտը կը գտնուի մարդու եւ անոր արժանապատուութեան յարգանքի մէջ, այսինքն որպէս կեդրոն ընտրել մարդը ըսած է կարդինալ Փարոլին դիտել տալով թէ հակառակ պարագային ''լուծում չկայ եւ միշտ պիտի ապրինք ատելութեան, բռնութեան եւ բաժանումներու իրողութիւններ որոնք միշտ աւելիով աճ պիտի արձանագրեն''։
| All the contents on this site are copyrighted ©. |