Քրաքովիայի Երիտասարդութեան Հաւաքին կը սպասուին 2 միլիոն երիտասարդներ։

(Ռատիօ Վատիկան) ''Քրաքովիայի հաւաքը պիտի ըլլայ ''Սոչեալ''։ Կը սպասուին 2 միլիոն երիտասարդներ եւ եթէ անոնցմէ ամէն մին ունի առ նուազն 500 ''սոչեալ'' բարեկամութիւններ, Քրաքովիայի հաւաքի ողորմութեան պատգամը հասանելի կը դառնայ մէկ միլիառ անհատներու''։ Այսպէս արտայայտուած է Հայր Փավել Ռիթել Ատրիանիքը` Լեհաստանի Եպիսկոպոսներու համահաւաք դասի բանբերը հաստատելով թէ Քրաքովիան պատրաստ է ընդունելու Ֆրանչիսկոս Պապն ու այդ մեծ հաւաքը։

Երիտասարդները որոնց շարքին նաեւ հայեր, աշխարհի տարբեր երկիրներէն սկսած են արդեն ժամանել Սուրբ Յովհաննէս Պօղոս Բ-ի երկիր, մինչ այս առթիւ հրապարակուած 20 լեզուներով թարգմանուած ''Ֆէյսպուքեան'' էջը արդեն ունի 1,5 միլիոն հետեւորդներ, եւ 13 լեզուներով Թուիթերեան կայքը ունի 220 հազարէ աւելի օգտատէրեր։