Մայքըլ Արամի «Նոյեան Տապան» մանրաքանդակը կը տեղադրուի Վատիկանի մէջ։

Հռոմի Ֆրանչիսկոս պապին նուիրուած Նոյեան տապանի մանրակերտ քանդակի հեղինակը հանրայայտ ամերիկահայ արուեստագէտ Մայքըլ Արամն է: Այս մասին կը տեղեկացնէ «Հայաստանի Մանուկներ» հիմնարկը, որուն տնօրէններու խորհուրդին անդամ է Մայքըլ Արամ:

Նոյեան տապանի մանրակերտը Հռոմի պապին նուիրուած է հայ ժողովուրդի անունով, անոր հայաստանեան այցելութեան ժամանակ, Հանրապետութեան հրապարակին վրայ խաղաղութեան աղօթքին եւ էքիւմենիք արարողութեան ընթացքին: Մանրակերտ քանդակը պիտի տեղադրուի Վատիկանի մէջ:

«Ինձ համար մեծ պատիւ էր Ֆրանչիսկոս պապի համար ստեղծել Նոյեան տապանի քանդակը», կը յայտնէ Մայքըլ Արամ: «Այն ստեղծելիս՝ ես պատկերացնում էի փախստական երեխաներին, որոնք իրենք հայրենիքից բերած հող ու ջրով պիտի մօտենան պապին ու Նոյեան տապանին. մտածում էի, որ քանդակը կարող է, ինչ-որ առումով, նրանց փրկութեան, նոր երկրում նոր կեանք ստեղծելու խորհրդանիշը լինել»: