՝՝Բարթողոմէոս Քրիստոսի Առաքեալ՝՝ Տիեզերական Պատրիարքին կենսագրական գիրքը։

(Ռատիօ Վատիկան) Յառաջիկայ 11 հոկտեմբեր 2016-ին­, Թուրքիոյ մէջ  լոյս պիտի տեսնէ, ՝՝Բարթողիմէոս Քրիսոտսի Առաքեալ՝՝ խորագիրը կրող՝ Կոստանդնուպոլսոյ Բարթողոմէոս Տիեզերական պատրիարքին կենսագրական գիրքը, որուն յառաջաբանը գրած է Ֆրանչիսկոս Սրբազան Քահանայապետը։

Գիրքին հեղինակն է Ժոն Քրիսավակիս՝ Աստուածաբան եւ Տիեզարական Պատրիարքին կենսոլորտի հարցերու խորհրդատու

Գիրքին ներկայացումը տեղի պիտի ունենայ յառաջիկայ 11 հոկտեմբեր 2016-ին՝ Բարթողոմէոս պատրիարքին պատրիարք ընտրութեան 25 -րդ ամեակին առթիւ՝ որ տեղի ունեցած է 2 նոյեմբեր 1991-ին։

Գիրքին հրատարակման իրենց նպաստը բերած են  ոչ միայն Ֆրանչիսկոս Պապ այլ նաեւ , Պենետիկտոս ԺԶ վաստակաւոր քահանայապետը,  Անկլիքան եկեղեցւոյ Ռովան  Ուիլիամ Արքեպիսկոպոսը. Րաբունապետ Տաւիտ Ռոսեն, Միացեալ նահանգներու Փոխ նախագահ Ժօ Պայտըն։