(Ռատիօ Վատիկան) Պրազիլի մէջ կայանալիք ողիմպիական խաղերուն ի տես, Ռիօ Տէ Ժանեյրոյի Սան Սեպասթիանօ թեմի մարզանքի հովութեան բաժանմունքը կազմակերպած է ՝՝Խաղաղութեան 100 օրեր՝՝ խորագիրով ծրագիր, որուն նպատակն է արժէքաւորել եւ գնահատել մարզանքի արժանիքները ինչպէս նաեւ նպաստել Նոր աւետարանացման զարգացման։
''Ողիմպիական խաղերը պատեհ առիթ են զարգացնելու համար ժողովուրդներու եւ նաեւ զանազան կրօններու միջեւ խաղաղ համակեցութիւնը՝՝ յայտնած է Ռիոյ թեմիմ արքեպիսկոպոսը ՝գերապայծառ Օրանի Թեմբեսթան։,
Ողիմպիական խաղերուն ի տես կազմակերպուած խաղաղութեան 100 օրեր ձեռնարկին, նախատեսուած է ՝՝Մարզանքի բարեկամներ՝՝ անուան միջոցառում ՝ ուղղուած երիտասարդներուն, որուն ծիրէն ներս յատուկ հիւրընկալութեամբ պիտի ընդունուին ողիմպիակական խաղերուն մասնակցող մարզիկներուն ընտանեկան պարագաները։
Կազմակերպուած է նաեւ՝՝ խաղաղութեան օր՝՝ ձեռնարկ մը որուն հրաւիրուած են թեմի դպրոցներու բոլոր աշակերտները։
Նշենք, թէ Կաթողիկէ եկեղեցւոյ եւ ողիմպիական խաղերու կազմակերպիչներու միջեւ կապերը միշտ ամուր եղած են , ոչ միայն որովհետեւ Ի դարուն ՝՝ ՏԷ Քուպերթին՝՝ անձնապէս ճանչցած է Պիոս Ժ Քահանայապետը՝ զոր քաջալերած է ողիմպիական խաղերուն հիմնադրին՝ կազմակերպելու ողիմպիական խաղերը , այլ նաեւ որովհետեւ եկեղեցին ցմիշտ արժէքաւորած է մարզանքը ու անոր առողջ արժանիքները՝ ինչպէս, հակառակորդին հանդէպ յարգանք, մարմնի նկատմամբ խնամք եւ ժողովուրդներու միջեւ խաղաղ համակեցութեան զարգացումը։
All the contents on this site are copyrighted ©. |