Սուրբերու դատին հայող հրամանագիրներու վաւերացում։

(Ռատիօ Վատիկան) Ուրբաթ 8 Յուլիս 2016-ի առաւօտեան Ֆրանչիսկոս Սրբազան Քահանայապետը ընդունեց  Սուրբերու Դատի  Ժողովի կառավարիչը` Կարդինալ Անճելօ Ամաթոն եւ անոր հետ ունեցած հանդիպումի ընթացքին վաւերացուց Սուրբերու Դատին հայող հրամանագիրեր որով Երանելիներու շարքին դասեց Աստուծոյ ծառայ` Պահապան Հրեշտակի իգական միաբանութեան հիմնադիր Հայր Լուիճի Անթոնիօ Օրմիերէս` ծնած 4 Յուլիս 1809 եւ մահացած 16 Յունուար 1890։ Նորին Սրբութիւնը վաւերացուց ապա 26 սեպտեմբեր 1936-ին իրենց հաւատքին համար սպաննուած` Աստուծոյ ծառաներ Անթոնիօ Արրիպաս Օրթիկելա ու անոր 6 ընկերներուն գործած հրաշքը, ինչպէս նաեւ 24 փետրուար 1945-ին պատահած Աստուծոյ Ծառայ աշխարհական Ճուզեփփէ Մայր - Նուսսերի մարտիրոսութիւնը։

Ֆրանչիսկոս Սրբազան Քահանայապետը վաւերացուց ապա Աստուծոյ ծառաներու հերոսական առաքինութիւնները որոնց շարքին. Հայր Ալֆոնսօ Կալլէկոս, ծնած 20 փետրուար 1931-ին եւ վախճանած 6 հոկտեմբեր 1991-ին։ Հայր Ռաֆայէլ Սանչես Կարսիա, ծնած 14 Յունիս 1911 եւ վախճանած 8 օգոստոս 1973-ին։ Աշխարհական Անտրէա Ֆիլոմենօ Կարսիա Աքոսթա ծնած 10 Յունուսր 1800 եւ վախճանած 14 յունուար 1853-ին։ Հայր Ճուզեփփէ Մարքեթթի, ծնած 3 հոկտեմբեր 1869-ին եւ վախճանած 14 դեկտեմբեր 1896-ին։  Հայր Ճաքոմօ Վիալէ, ծնած 28 փետրուար 1830-ին եւ վախճանած 16 ապրիլ 1912-ին ապա Աստուծոյ աղախին քոյր Մարիա Փիա Տալլա Քրոչէ ծնած 2 սեպտեմբեր 1847-ին եւ վախճանած 1 Յուլիս 1919-ին։