Papa: ‘punëtorët’ e Zotit të braktisin karrierizmin e pushtetin

“Punëtorët” e Zotit, “misionarët” e Mbretërisë së Hyjit duhet t’u çojnë të gjithë njerëzve “mesazhin e shpresës e të ngushëllimit, të paqes e të dashurisë”. E duhet ta zhvillojnë këtë mision duke braktisur “çdo motiv krenarie personale”, “karrierizmin dhe urinë për pushtet”, duhet “të bëhet vegla të përvuajta të shpëtimit të realizuar nga flijimi i Jezusit, që ka vdekur e është ngjallur për ne”. Kështu tha Papa Françesku, duke iu drejtuar besimtarëve në Sheshin e Shën Pjetrit në Vatikan me rastin e lutjes të së dielës të Engjëllit të Tënzot.