Պանկլատէշի Մայրաքաղաքին մէջ ահաբեկչական գործողութիւն։

(Ռատիօ Վատիկան) Պանկլատէշի Մայրաքաղաքը` Տաքքան, Փարիզի, Պրիւքսէլի, եւ Պէյրութի նման թիրախ դարձաւ ՏԱՀԵՇ-ի ահաբեկչական մէկ գործողութեան։

Ուրբաթ 1 Յուլիս 2016-ին, ՏԱՀԵՇ-ի կաղուած Զինեալ քոմանտոս մը ''Ալլահ Ու Աքպար'' պոռալով  ներխուժած է  Պանկլատէշի մայրաքաղաք Տաքքայի ''Holey Artisan Bakery''  ճաշարանը ու կրակ բացած են այնտեղ գտնուող մարդոց վրայ սպաննելով երկու ոստիկաններ։ Անոնք ապա գերի առած են տարբեր ազգութիւններու պատկան 35 անձեր։

Այսօր (2 Յուլիս 2016) առաւօտեան կանուխ` տեղական ժամով 7,40-ին (Հռոմի ժամով 3,40), Պանկլատէսշի յատուկ զօրագունդի միջամտութեամբ վերջ դրուեցաւ այդ արարքին որուն ընթացքին կառավարական զինեալ ուժերը սպանեցին 6 ահաբեկիչներ ու կալանեցին անոնցմէ այլ երկուքը, ազատագրելով 12 անձ։