Святы Айцец прыняў Шымона Перэса

Раніцай 20 чэрвеня 2016 г. Пантыфік прыняў на аўдыенцыі былога Прэзідэнта Ізраіля Шымона Перэса. Палітык прыбыў у Ватыкан, каб “абмеркаваць праблемы міжнароднага тэрарызму і кровапраліцця ў імя рэлігіі, а таксама спосабаў устанаўлення міру на Блізкім Усходзе”, гаворыцца ў паведамленні канцэлярыі былога кіраўніка ізраільскай дзяржавы.

Мінулы раз Францішак і Перэс сустракаліся ў Ватыкане 8 чэрвеня 2014 г., з нагоды малітвы за мір у Святой Зямлі і ў свеце, якая праводзілася ў Ватыканскіх садах. У ёй таксама прымалі удзел Прэзідэнт Палестыны Махмуд Абас і Патрыярх Канстантынопальскі Барталамей І.

Шымон Перэс мае 92 гады і з’яўляецца найстарэйшым ізраільскім палітыкам. Прэзідэнцкі пост ён займаў з 2007 г. па 2014 г. Яго палітычная кар’ера доўжылася больш за 70 гадоў. Нягледзячы на сталы ўзрост, ён працягвае актыўна займацца грамадскай дзейнасцю.