Գրիգոր Պետրոս Ի Կաթողիկոս Պատրիարք ընդունեց Լիբանանի մօտ Լեհաստանի դեսպան

Երկուշաբթի, 13 յունիս 2016, առաւօտեան ժամը 11.00-ին, Ամենապատիւ եւ Գերերջանիկ Տէր Գրիգոր Պետրոս Ի. Կաթողիկոս Պատրիարք Տանն Կիլիկոյ Կաթողիկէ Հայոց, Հայ Կաթողիկէ Պատրիարքարանի յարկին տակ ընդունեց Լիբանանի մօտ Լեհաստանի արտակարգ եւ լիազօր դեսպան Տիար Վոժճիեք Պոզեք, նաեւ ներկայ էին՝ Պատրիարքական փոխանորդ՝ Արհիապատիւ Հայր Գէորգ եպս. Ասատուրեան, Սուրբ Փրկիչ եկեղեցւոյ փոխ ժողովրդապետ եւ Պէյրութի Հայ Կաթողիկէ երիտասարդական խորհուրդի հոգեւոր վարիչ՝ Գերապատիւ Հայր Ղազար վ. Պետրոսեան եւ նոյն խորհուրդի անդամ՝ Պրն. Ճօ Զուլիքեան, սոյն այցի ընթացքին, միասին զրուցեցին Լեհաստանի Քրաքոֆ քաղաքի մէջ, 25_էն 31 յուլիս 2016ի, տեղի ունենալիք Համաշխարհային երիտասարդաց օրուայ շուրջ զանազան նիւթեր: