12-15 Յունիս Գերապայծառ Վինչենսօ Փալիա պաշտօնական այց կը կատարէ Իրան

(Ռատիօ Վատիկան) Ընտանիքի Քահանայապետական խորհուրդի նախագահ գերապայծառ Վինչենցօ Փալիա Յունիս 12-15, պաշտօնական առաքելութեամբ կը մեկնի Իրան որպէս քաղաքավարական փոխ-այցելութիւն­, Փետրուար 2015-ին` Իրանի Փոխ Նախագահ Շահինտոխդ Միլավերտիի  Ընտանիքի Քահանայապետական խորհուրդին կատարած այցելութեան։

Կիրակի 12 Յունիսին գերապայծառ Փալիա Թեհրանի ''մխիթարութեան'' եկեղեցւոյ մէջ կը նախագահէ Սուրբ Պատարագի արարողութիւնը որմէ ետք ներկայացումը կը կատարէ '' Amoris Laetitia – Սիրոյ Ուրախութիւն'' Ֆրանչիսկոս Պապին ընտանիքի սիրոյ մասին հրատարակած յորդորագիրին։

Երկուշաբթի 13 Յունիսին գերապայծառ Փալիա հանդիպում կ՛ունենայ Իրանի փոխ նախագահ Շահինտոխդ Միլավերտիի  հետ ու աշխատանքի նախարարին հետ­, ապա երեքշաբթի 14 յունիսին նախատեսուած է Սուրբ Քաղաք Քոմ-ի այցելութիւն ուր Ընտանիքի  Քահանայապետական խորհուրդի նախագահը դասախօսութիւն մը կը ներկայացնէ ''Ընտանիք` մարդկութեան յոյս'' վերտառութեամբ, Կիներու եւ Ընտանիքի ուսումնասիրական կեդրոնին մէջ։

Չորեքշաբթի 15 Յունիսին գերապայծառ Փալիա կ՛այցելէ Իրանի բարեգործական հաստատութիւններ ապա երեկոյեան` հիւրը կը հանդիսանայ իրեն ի պատիւ Իրանի փոխ նախագահին կողմէ սարքուած ընդունելութեան։