Արեւելածէս կաթողիկէ հաւատացեալներուն համար նոր առաջնորդութիւն Սպանիայի մէջ։

(Ռատիօ Վատիկան) Հինգշաբթի 9 Յունիս 2016-ին Ֆրանչիսկոս Սրբազան Քահանայապետը Սպանիայի մէջ ապրող Արեւելեան ծէսերու պատկան կաթողիկէ հաւատացեալներուն համար հաստատեց նոր առաջնորդութիւն մը ու անոր առաջնորդ անուանեց Մատրիտի Արքեպիսկոպոսը` գերապայծառ Քարլոս Ոզորօ Սիերրան։

Վերոնշեալ առաջնորդութեան կարող են դիմել բոլոր այն կաթողիկէ հաւատացեալները որոնք կը պատկանին Արեւելքի կաթողիկէ Եկեղեցիներուն եւ որոնք առ այժմ Սպանիայի մէջ չունին հովուական թեմ կամ ժողովրդապետութիւն։

Գերապայծառ Քարլոս Ոզորօ Սիերրա ծնած է 16 մայիս 1946-ին։ Քահանայ ձեռնադրուած է 29 Յուլիս 1973-ին։ Եպիսկոպոս օծուած է 22 փետրուար 1997-ին։ 28 օգոստոս 2014-ին նշանակուած է Մատրիտի առաջնորդ։