Չորեքշաբթի առաւօտեան «Քիւրտիստանի բանուորական կուսակցութեան» (ՔԲԿ-PKK) զինեալները Թուրքիոյ քրտաբնակ Մարտին նահանգի Միտեաթ շրջանի ոստիկանական բաժանմունքին դիմաց պայթեցուցած են ինքնաշարժ մը: Այս մասին կը հաղորդէ Ermenihaber.am-ը՝ վկայակոչելով թրքական «Turkiyegazetesi» թերթին կայքը։
Պայթումին հետեւանքով սպաննուած են ոստիկան մը եւ քաղաքացի մը, վիրաւորուած աւելի քան 20 մարդ, որոնց մէջ կան նաեւ ոստիկաններ:
Պայթումէն ետք թուրք անվտանգութեան աշխատակիցներու եւ PKK-ի գրոհայիններու միջեւ սկսած է փոխհրաձգութիւն: Դէպքի վայր մեկնած են մեծ թիւով շտապ օգնութեան մեքենաներ, ինչպէս նաեւ թրքական ոստիկանութեան օժանդակ ուժեր:
Կը նշուի, որ պայթումին եւ սկսած փոխհրաձգութեան հետեւանքով մեծ վնաս հասցուած է յարակից շարք մը շէնքերու
All the contents on this site are copyrighted ©. |