Փարիզէն Գահիրէ թռչող EgyptAir-ի օդանաւը ինկած է միջերկրական ծով

Ռատիոտեղակայանքներէ (radar) անհետացած Egyptair օդանաւային ընկերութեան օդանաւը ինկած է Միջերկրական ծով: Այդ մասին յայտնած է «Մայատին» հեռուստաալիքը Twitter-ի իր էջին մէջ` վկայակոչելով Egyptair ընկերութեան աղբիւրները:

Աւելի ուշ «Ֆրանսփրես»-­ը յայտնած է՝ EgyptAir ընկերութեան A320 օդանաւը ծով ինկած է յունական Կարպատոս կղզիէն ոչ հեռու: Կը Նշուի, որ Փարիզէն Գահիրէ թռչող օդանաւը կորսուած է ռատիոտեղակայանքներէ Յունաստանի օդային տարածք մտնելէն 20 վայրկեան անց:

Ընկերութիւնը յայտնած է, որ օդանաւին մէջ եղած են 56 ուղեւոր եւ անձնակազմի 10 անդամ: Ուղեւորներուն մէջ կայ 3 փոքրիկ երեխայ: Անոնց ճակատագիրը դեռ անյայտ է: Օդանաւը դուրս եկած է Շառլ տը Կոլի անուան օդակայանէն:

Եգիպտոսցի զինուորկանները ժամանած են աղէտի վայր եւ սկսած են օդանաւի մնացորդներու որոնումներուն:

Միջերկրական ծովի վրայ այսօր առաւօտեան Egyptair-ի անհետացած А-320 օդանաւը թողարկուած էր 2003 թուականին, անձնակազմը եղած է փորձառու: