(Ռատիօ Վատիկան) ´´Հարկաւոր է վերանորոգ յանձնառումով զարգացնել մարդկային, բարոյական ու հոգեւոր ճշմարիտ արժէքները ի պաշտպանութիւն անհատին ու ընտանիքին'' գրուած է ֆրանչիսկոս Պապին պատգամին մէջ, ուղղուած Փորթուկալի ´´կեանքի ի նպաստ քայլարշաւ´´ը կազմակերպող յանձնախումբին։
Քայլարշաւը տեղի պիտի ունենայ շաբաթ օրը` 14 Մայիսին։
Պատգամին մէջ Սրբազան Հայրը կ´ընդգծէ կարեւորութիւնը խթանելու անհատները, ընտանիքները ու ընկերութիւնը գործելու ի սպաս հասարակաց բարիքին, որու արմատները կը գտնենք ներդաշնակութեան, արդարութեան եւ անհատի իրաւունքի յարգանքին մէջ` սաղմէն մինչեւ բնական մահը։
ֆրանչիսկոս Պապը կը յիշեցնէ ուշադիր ակնարկով հետեւիլ կնոջ ու մարդու առօրեայ կեանքին։
Նշենք որ Փորթուկալի մէջ նշուելիք ''կեանքի ի նպաստ քայլարշաւը'' այս տարի կը բոլորէ իր 6-րդ տարին։ Քայլարշաւի այս տարուայ բնաբանն է. ''Միշտ ընթանանք կեանքի ի նպաստ'' ու անոր կէտ նպատակն է ի յայտ դնել եւ զարգացնել կեանքը պաշտպանող մշակոյթ մը։
All the contents on this site are copyrighted ©. |