Հայաստանի Կառավարութիւնը պիտի քննարկէ Արցախի ճանաչման օրէնքի նախագիծը
ՀՀ կառավարութեան քննարկման ներկայացուած է Ազգային ժողովի պատգամաւորներ Զարուհի Փոստանջեանի եւ Հրանդ Բագրատեանի` օրէնսդրական նախաձեռնութեան կարգով ներկայացրած «Արցախի Հանրապետութիւնը ճանչնալու մասին» ՀՀ օրէնքի նախագիծը:
Նախագիծը ընդգրկուած է կառավարութեան Մայիս 5-ի նիստի օրակարգին մէջ:
Նախագիծին վերաբերեալ կառավարութեան եզրակացութեան մէջ մասնաւորապէս նշուած է. «Հայաստանի Հանրապետութեան կառավարութիւնը ներկայացուած օրէնքի նախագիծի ընդունումը պիտի պայմանաւորուի Հայաստանի եւ Արցախի միջեւ քննարկումներու արդիւնքներով` հաշուի առնելով յետագայ զարգացումները, որոնց մէջ նաեւ արտաքին գործօնները»:
Միաժամանակ, ներկայացուած օրէնքի նախագիծը Ազգային ժողովին մէջ քննարկելու ընթացքին, յարակից զեկուցումով հանդէս պիտի գայ ՀՀ արտաքին գործոց նախարարի տեղակալ Շաւարշ Քոչարեանը:
| All the contents on this site are copyrighted ©. |