Пасланец Божы ведае, як ісці на ўскраіны беднасці “свабодным ад багажу”, таму што
“Дух – гэта лёгкі вецер”, Той, хто дае сілу для місіі евангелізацыі. Гэта адна з думак,
якую папа Францішак скіраваў 2 мая 2016 г. у адрас дэлегацыі Ордэну Найсвяцейшай Панны
Міласэрнай, якіх прыняў на аўдыенцыі ў Ватыкане з нагоды 800-годдзя занавання.
Пантыфік заклікаў законнікаў глядзець на мінулае не толькі, каб узгадаць слаўныя старонкі,
але ўзяць на сябе мужнасць і натхненне, каб зразумець, “якімі шляхамі ішла харызма”
Ордэну – ці заўсёды правільнымі. Памяць пра мінулае, на думку Папы, павінна дапамчы
ацаніць поспехі і няўдачы і, перш за ўсё, адказаць на выклікі, якія стаяць перад чалавецтвам.
Сапраўднае жыццё Ордэна – гэта бесперапынныя намаганні яго членаў па абнаўленні, шчодры
адказ на рэальныя патрэбы свету і Касцёла, застаючыся пры гэтым паслядоўнымі захавальнікамі
шматгадовай спадчыны.
Манаскае пакліканне – гэта і дар, і адказнасць, нагадаў Францішак, вера не столькі ва ўласныя сілы, колькі ў Божую ласку, будаванне жыцця на чуйнасці, настойлівасці ў малітве і клопаце пра ўнутранае жыццё. Толькі ў “гэтым духу” можна служыць бедным, маргіналізаваным, выключаным з грамадства, суцяшаць іх і пакутаваць з імі.
Францішак нагадаў, што дапамогі Ордэна чакаюць асобы, якіх пераследуюць за веру, зняволеныя, ахвяры гандлю людзьмі і школьная моладзь. Усе яны маюць патрэбу ў справах міласэрнасці з боку Касцёла.
Мерседарыі, так гучыць скарочаная назва Ордэну Найсвяцейшай Панны Міласэрнай для выкупу нявольнікаў, гэта каталіцкі манаскі ордэн, заснаваны ў св. Пятром Наласка. Яго галоўнай мэтай быў выкуп з мусульманскага палону хрысціян. Назва паходзіць ад іспанскага слова “merced” – міласэрнасць.
All the contents on this site are copyrighted ©. |