(Ռատիօ Վատիկան) Քահանայապետական աղօթքի դիտաւորութիւնները 2014-էն սկսեալ ստանձնեցին ''տիեզերական'' եւ ''աւետարանումի'' խորագիր կրող աղօթքի դիտաւորութիւններ, շեշտը դնելու համար աղօթքի կեդրոնականութեան վրայ եւ վերարծարծելու 2012-ի նոր աւետարանութեան մասին տեղի ունեցած սիւնհոդոսի կարեւորութիւնը։
2016-ի Մայիս ամսուայ որպէս Քահանայապետական աղօթքի դիտաւորութիւն ընտրուած է.
''Տիեզերական'' աղօթքի դիտաւորութիւն` ''Որպէսզի աշխարհի բոլոր երկիրներուն մէջ կիները միշտ յարգուին եւ մեծարուին եւ արժեւորուի անոնց ընկերութեան ի սպաս`էական ներդրումը''։
Իսկ որպէս ''Աւետարանութեան'' աղօթքի դիտաւորութիւն` ''Որպէսզի տարածուի, ընտանիքի, հասարակութեան ու խումբերու մէջ, Սուրբ Վարդարանը աղօթելու սովորութիւնը ի սպաս աւետարանութեան եւ խաղաղութեան''։
All the contents on this site are copyrighted ©. |