Եազիժի եւ Իպրահիմ եպիսկոպոսներու համար Պատարագ։

Հալէպի եւ Ալեքսանտրէթի եւ մերձակայքի յոյն ուղղափառ առաջնորդ Պուլոս Եազիժի եւ Հալէպի ասորի ուղղափառ համայնքի առաջնորդ Եուհաննա Իպրահիմ եպիսկոպոսներուն առեւանգման երրորդ տարելիցին առիթով պատարագ մատուցուեցաւ երէկ` Պալամանտի Աստուածամօր վանքին մէջ:

Պատարագին ընթացքին արտասանուած խօսքերն ու քարոզները շեշտեցին այս երկրին եւ հաւատքին կառչած մնալու վճռակամութիւնը` միաժամանակ դատապարտելով երկու եպիսկոպոսներուն առեւանգման գծով կողմերու ահաւոր լռութիւնը:

Քաղուած Ազդակ օրաթերթէն