''Centesimus Annus - շրջաբերական թուղթէն 25 տարիներ ետք''

(Ռատիօ Վատիկան)Ուրբաթ 15 ապրիլին ''Պիոս Դ'' անուան կեդրոնին մէջ տեղի կ՛ունենայ Քահանայապետական ընկերային գիտութեան ակադեմիայի  նախաձեռնութեամբ կազմակերպուած աշխատանքային հաւաք մը, հայող` երջանկայիշատակ Սուրբ Յովհաննէս Պօղոս Բ-ի 25 տարիներ առաջ հրապարակած ''Centesimus Annus'' շրջաբերական թուղթին։

Հաւաքին կեդրոնական նիւթն է ''Centesimus Annus -  շրջաբերական թուղթէն 25 տարիներ ետք'', որուն ընթացքին պիտի քննարկուին երկու կարեւոր նիւթեր. առաջին` վերջին 25 տարիներու ընթացքին համաշխարհային յեղաշրջումը տնտեսական, քաղաքական եւ մշակութային գետնի վրայ իսկ երկրորդ` ի՞նչպէս ''Կաթողիկէ եկեղեցւոյ ընկերային վարդապետութիւնը դիմագրաւած է աշխարհին հայող հարցերը, որպէսզի տուեալներու հիման վրայ վերլուծում կատարուի ու քննարկուի թէ ի՞նչպէս Եկեղեցին կարող է յառաջիկայ տասնամեակներուն լաւագոյն կերպով դիմագրաւել նոր մարտահրաւէրները։

''Centesimus Annus''  շրջաբերական թուղթը` մաս կը կազմէ Կաթողիկէ Եկեղեցւոյ ընկերային վարդապետութեան հարցերու շուրջ հրապարակուած փաստաթուղթերուն. Ան հրապարակուած է 1991-ի մայիս մէկին, Լեւոն ԺԳ Պապին` 1891-ին հրատարակուած ընկերային վարդապետութեան  հայող Ռերում Նովարում`  շրջաբերական թուղթին հարիւր ամեակին առիթով։