Ֆրանչիսկոս Պապին թութերեան կայքը կը շարունակէ խօսիլ ընտանիքի մասին։
(Ռատիօ Վատիկան) Կիրակի 10 ապրիլ 2016-ին Ֆրանչիսկոս Սրբազան Քահանայապետի թուիթերեան կայքին վրայ շարունակուեցան հրատարակուիլ ընտանիքին եւ ''Սիրոյ երջանկութիւնը'' յորդորագիրին հայող թուիթները, որոնցմէ առաջինին մէջ Նորին Սրբութիւնը գրեց.
''Ընտանիքին մէջ մենք պէտք է սորվինք նմանիլ Յիսուսի սիրալիր օրինակին''
Իսկ երկրորդ թուիթին մէջ Սրբազան քահանայապետը յայտնեց թէ` սիրոյ աչքերը տարբեր են եւ թոյլ կու տան նայելու աւելի անդին, ու հասկնալու թէ որքան արժէքաւոր է մարդ էակը
''Սէրը աչքերը կը բանայ, թոյլ կու տայ տեսնել աւելի անդին, թէ որքան արժէքաւոր է մարդ էակը''
Հուսկ` օրուան ընթացքին հրապարակուեցան այլ թուիթներ
''Ամէն մէկ կեանք առիթ կու տայ վերագտնելու սիրոյ ձրիութեան չափանիշը''։
''Անհրաժեշտ է որ այդ մանուկը զգայ թէ սպասուած է։ Ան լրացում մը կամ անձնական ձգտումի լուծում մը չէ''։
''Բաց եւ զօրակից ընտանիքները աղքատներուն տեղ կը շնորհեն''։
| All the contents on this site are copyrighted ©. |