ஆர்மேனியா,ஜார்ஜியா,அஜெர்பைஜானுக்குத் திருத்தூதுப்பயணம்

ஏப்.09,2016. ஆர்மேனியா, ஜார்ஜியா மற்றும் அஜெர்பைஜான் நாடுகளுக்கு, இவ்வாண்டில் திருத்தந்தை பிரான்சிஸ் அவர்கள், திருத்தூதுப் பயணம் மேற்கொள்ளவுள்ளார் என்று, திருப்பீடம் அறிவித்துள்ளது.

ஆர்மேனியாவின் முதுபெரும் தந்தை 2ம் Karekin, அந்நாட்டின் கத்தோலிக்கத் திருஅவை மற்றும் அரசு அதிகாரிகளின் அழைப்பின்பேரில், வருகிற ஜூன் 24ம் தேதி முதல் 26ம் தேதி வரை, அந்நாட்டிற்குத் திருத்தந்தை பிரான்சிஸ் அவர்கள், திருத்தூதுப் பயணம் மேற்கொள்வார் என்று, திருப்பீடச் செய்தித் தொடர்பகம் அறிவித்துள்ளது.

மேலும், ஜார்ஜியாவின் முதுபெரும் தந்தை 2ம் Ilia, இன்னும், ஜார்ஜியா மற்றும் அஜெர்பைஜான் நாடுகளின், அரசு மற்றும் சமயத் தலைவர்களின் அழைப்பின்பேரில், வருகிற செப்டம் 30ம் தேதி முதல் அக்டோபர் 2ம் தேதி வரை, அந்நாடுகளுக்கு, திருத்தந்தை பிரான்சிஸ் அவர்கள், திருத்தூதுப் பயணம் மேற்கொள்வார் என்றும், அச்செய்தித் தொடர்பகம் அறிவித்துள்ளது.

திருத்தந்தை பிரான்சிஸ் அவர்கள், இவ்விரு நாடுகளுக்குச் செல்லும்போது, Caucasusலும் திருத்தூதுப் பயணத்தை மேற்கொள்வார் என்றும் அறிவிக்கப்பட்டுள்ளது.

ஆதாரம் : வத்திக்கான் வானொலி