Այսօր ժամը 12:00-էն երկկողմանի պայմանաւորուածութիւն ձեռք բերուած է ղարաբաղա-ատրպէյճանական սահմանի ողջ երկայնքով կրակը դադրեցնելու մասին, քանի որ այս պահուն բանակցային գործընթացներ կ՛ընթանան:
ԼՂՀ ՊԲ լրատուութեան եւ քարոզչութեան բաժնի պետ Սենոր Հասրաթեան «Հետք»-ի հետ զրոյցի ընթացքին հաստատած է կրակի դադրեցման երկկողմանի համաձայնութեան լուրը: Ան նշած է, որ այդ պայմանաւորուածութիւնը ձեռք բերուած է այսօր` ժամը 12:00-էն, քանի որ բանակցային գործընթաց տեղի կ՛ունենայ:
Յիշեցնենք, որ այսօր Վիեննայի մէջ կը հանդիպի ԵԱՀԿ Մինսկի խումբը` Լեռնային Ղարաբաղի հակամարտութեան կարգաւորման հարցով:
All the contents on this site are copyrighted ©. |