(Ռատիօ Վատիկան) Կիրակի` 20 Մարտին, Ծաղկազարդի տօնին օրը, ֆրանչիսկոս Պապը պիտի օրհնէ ձիթենիի ոստեր եկած Ս. Երկրէն, Ասիզիիէն եւ Մոնթեքասսինոյէն որոնք ապա պիտի տարուին Քրագովիա` Յուլիսին այնտեղ կայանալիք երիտասարդութեան համաշխարհային 31-րդ օրուան առթիւ ուր 3 Ապրիլին` ''Ողորմութեան'' կիրակիի օրը պիտի բաժնուին պետական ու կղերական ներկայացուցիչներուն, որպէս հրաւէր հաշտութեան ու համագործակցութեան, մինչ այլ ճիւղեր պիտի բաշխուին Քրաքովիայի քաղաքացիներուն։
Այս նախաձեռնութիւնը ներշնչուած է ֆրանչիսկոս Պապի Ողորմութեան տարիի կոնդակէն. ''ներումը ոյժ մըն է որ կը յարուցանէ նոր կեանք մը եւ կու տայ զօրութիւն մը` յոյսով դիտելու ապագան''։
Նախաձեռնութեան նպատակն է յառաջ տանիլ ներումի ու հաշտութեան ճշմարիտ ոգի մը։ Ներումն ու հաշտութիւնը հիմը կը կազմեն ողորմութեան եւ կու տան սրտի խաղաղութիւն։
All the contents on this site are copyrighted ©. |