Atentat me pasoja të rënda, dje, në Bregun e Fildishtë: në qytetin Grand Bassam mbetën të vrarë 16 vetë, ndërmjet të cilëve, 4 evropianë. I fortë, shqetësimi ndërkombëtar për këtë episod të ri të terrorizmit, kryer me dorën e armatosur të një grupi fundamentalist pranë Al Kaedës në Magreb.
I qartë, pra, burimi xhihadist i atentatorëve. Policia e Bregut të Fildishtë vijon hetimet, me ndihmën e specialistëve ndërkombëtarë kundërterroristë. Për t’u nënvizuar se arritja e forcave të sigurimit të Bregut të Fildishtë dhe e atyre franceze, të pranishme në vend me një kontingjenet prej tri mijë ushtarakësh për të luftuar kundër kërcënimit terrorist mbi Sahelin, shmangu rrezikun që numri i viktimave të ishte shumë më i madh. I menjëhershëm, dënimi i kancelarive perëndimore të presidentit francez François Hollande, i cili e quajti këtë “sulm burracakësh” dhe premtoi se do ta thellojë bashkëpunimin me partnerët vendas. E kjo, edhe sepse ky është atentati i tretë kundër ish-kolonisë franceze, pas atij të Bamako-s në nëntor 2015 dhe të Ouagodougou, janarin e kaluar.
All the contents on this site are copyrighted ©. |